Veer Pascal II
Mit ut goodvinje van Veurzitter Willy, Vors Leon, 't bestjuur, de raod van ellef, de dames en de jeug, de veertigste Prins van ut Kits-Uuleriek
- In de ech verbonje mit Bianca
- trotse pap van Brian en Joanna
- gebaore in ut riek van de Veldjmuus
- fanatiek vastelaovesvierder
Laote uch mit väol plezeer weite det:
Ten eerste: dit jaor veer gein muziek gaon dreije.
Ten tweede: het voetbal team ein paar maondj zonger mich mot score.
Ten derde. det veer hiej lang nao oet hubbe gekeken.
Ten veerde. det de jeug zich dit jaor zeker zal laote heure.
Ten viefde. vastelaoves viere biej os in de femielie zit.
Ten zesde. veer noe meer zulle sjporte den biej ‘t voetballe.
Ten zevende. det ich auch gaer ein glaas beer drink mer leever cola
Ten achste. det veer veur det sigaretje aaf en toe nao boete motte gaon.
Ten negende. det veer de kienjer zeker eedere aovendj zulle misse.
Ten teende. Det ich veur mien prinssjap tiedelijk in os eige kits-uule riek woon.
Ten ellefde. ein träonke der op vastelaovesdinsdaag waal moog zeen
En dit allemaol onger miene liefsjpreuk,
Zónger meziek geine sjpas
Gedaon en gegaeve in os Kits-Uulepelies oppe negende Jannewari in ut jaor tweedoejzendenteen in ut jaor van
Pascal de tweede .
