Foto's

De tweede episode: Vors Ton

De Kits-Uule greujde langzaam nao haor eerste jubeleum: 't Ein Maol Ellef Kits-Uule De ker waerde toen getrokke door jeugraod veurzitter Peter munnix. Same mit 't toenmalige Kits-Uulebesjtuur zorgde hae veur ein sjoon pregram. "t Kits-Uulepelies waerde op ein zaoterdigmiddig "efkes" verboewt om meer ruumte te kriege veur 't fees. De vereineging mosde auch intern ein bietje verboewt waere, want Vors Maan had ( bekans ) ellef jaor achter de rok ein vonj 't waal good gewaes. `

Aan de euverkantj van 't pelies ware nuuj luuj komme te wone, en dae man dae zich Dohmen sjreef, leek os waal ein gesjikde nuuje Vors. Vaol kal waas d'r neet neudig om hem te euvertuuge en zo waerde Ton Dohmen toet tweede Vors van de Kits-Uule geinstaleerd.  Ton waar ein Vors van grootse planne en vaol sjpraekwater. De "Scoutingboys" hadde in hem de idejaale partner gevonje in haor "sjtried" nao ganse zelfsjtanjigheid. Ton kriejeerde ein nuuj besjtuur om zich haer en zo sjlooge ze same de nuuj te bewanjele waeg in. Vaol aad-gedeende van de Vastelaovend, mer veural auch de Kaketoes nome haor det neet in dank aaf.

Vaol Kits-Uule ware auch lid van famfaar "'t Ketoendorp", dit kwaam door de benj van de Kits-Uule mit blaoskepel "Die Lustige Buab'n" die jaore langk de hoeskepel vanne Kits-Uule ware. Offisjeel trooje zie op es Buab'n, en es 't get "losser" mog zeen es Kroekestop.

Auch waerde d'r ein aantal jaore ein sjoon gezet gefabriseerd, onger leijing van "hoofdredacteur" Guus Russing, auch gein onbekinde in 't Remunjse.

Sikkertaris Louis Meulendijks en besjtuurslid Boy Swachten ginge same mit Ton veurop in de sjtried. Op 26 jannewarie 1988 waerde heur sjtreeve belond mit erkinning van en toetraejing toet 't Samewirkings Orgaan Remunjsevastelaovend!!. Ter ellefde oere waerde d'r ein groot fees in 't Pelies georganiseerd wo eedere bezeuker ein gratis drenkske kreeg. Ongertosse maakde de Kits-Uule auch regelmaotig haor opwachting in de binnesjtad. Jaore langk waerde d'r Vastelaoveszondig ein aope-podium gehaaje biej kefee "t Tribunal. Remunjse "prominente" es Jack Breughelmans van Sirkus Wilms en Uule Vors Naad Imkamp betraoje auch regelmaotig de buhn.

Onger dit bewindj, greujde de Kits-Uule oet toet ein zich zelf respecteerende en volwaerdige Vatelaovesvereiniging. De Kits-Uule betrooje onger Ton's bezielende leiding auch 't internationale Vastelaovespodium. Zo Waerde d'r internasjoonale reizen ongernaome. "T hoogte puntj waar zeker 'T  FECC (Federation European Carnaval Cities)  treffe in de Italijaanse badplaats Viareggio, in 't wiek-end van 9 fibberwarie 1990. Meziekgeselsjap Hodje Moos ( auch weer ontsjtange biej 't Keteonedorp ) waar auch van de partie en deed mit haor samba klanke gans Viareggio deine. Als promenente gas waar auch toenmalig wethaajer Jack Bennis mit getooge nao 't italijaanse sjtrandj. 

Inmiddels ware de Kits-Uule aan ein nuuj jubileum toe!